Burimi : Ministria e Punëve Publike, Transportit dhe Telekomunikacionit dhe INSTAT
Përpunimi dhe komentet: ODA
Për mbetjet në nivel qarku, në vend të parë është Tirana, me 383 mijë ton, e ndjekur nga Durrësi, Fieri dhe Vlora. Interesant është fakti që në 2012-n shfaqen prirje të rënies së mbetjeve të ngurta urbane në qarqet Kukës (20.8%), Tiranë (7.5%), Korçë (4.7%), Fier (3.1%) dhe Berat (2.2%). Me rritjen më të lartë është qarku i Durrësit, me 47.6%, e më pas Elbasani (25.6%), Shkodra (25.3%), Lezha (22%) dhe Vlora (17%).
Burimi : Ministria e Punëve Publike, Transportit dhe Telekomunikacionit dhe INSTAT
Përpunimi dhe komentet: ODA
Lidhur me mbetjet inerte, ecuria paraqitet më ndryshe. Pas vitit 2005, bie në sy një rënie graduale, e cila ndalon në 2010-n. Ky vit shënon rënien më të lartë të mbetjeve inerte, 28.3% krahasuar me 2009-n dhe gjithashtu nivelin më të ulët për gjithë periudhën. Situata e raportuar ndryshon në 2011-n, ku mbetjet inerte janë dyfishuar krahasuar me vitin 2010 dhe arrijnë pikun për gjithë vitet 2003-2012.
Burimi: Ministria e Punëve Publike, Transportit dhe Telekomunikacionit dhe INSTAT
Përpunimi dhe komentet: ODA
Në vitin 2012 situata ndryshon sërish. Mbetjet inerte janë sa gjysma e vitit 2011, duke arritur në 332 mijë ton. Megjithatë, edhe në vitin 2012, Vlora vazhdon të jetë qarku me nivelin më të lartë të mbeturinave inerte, me 178 mijë ton. Pas tij renditet Berati, me 5 herë më pak se Vlora (34 mijë ton) dhe Gjirokastra (21 mijë ton).
Burimi: Ministria e Punëve Publike, Transportit dhe Telekomunikacionit dhe INSTAT
Përpunimi dhe komentet: ODA